Mae holl aelodau o'r tîm yn wirfoddolwyr sy'n byw yn agos i droed Yr Wyddfa. Mae gan y tîm amrywiaeth o aelodau sy'n gweithio fel tywyswyr a hyfforddwyr mynydda, athrawon, plymwyr, wardeniaid y parc, adeiladwyr a phobl busnes. Maent oll yn fynyddwyr galluog a phrofiadol.

Cant eu galw allan ddydd neu nos 365 o ddyddiau y flwyddyn. Maent yn rhannu un pwrpas cyffredin, sef cynorthwyo unrhyw un sydd mewn trafferthion ar y mynydd.

Lleolir y Tîm Achub yn Llanberis, pentref prysur sy'n cysgodi wrth droed Yr Wyddfa. Mae'r tîm yn gyfrifol am ymateb i ddamweiniau sy'n digwydd ar Yr Wyddfa a'r copaon cyfagos, rhan deheuol y Glyderau a gogledd-orllewin Moel Siabod.

Honnir fod gan yr ardal rai o ardaloedd cerdded a mynydda mwyaf godidog yng Nghymru a'r Deyrnas Unedig.

Yr Wyddfa yw'r copa uchaf yng Nghymru, ac mae'n debyg y mynydd prysuraf ym Mhrydain. Mae llawer o ymwelwyr i Gymru yn benderfynol o gerdded neu ddringo i'r copa.

Mae Bwlch Llanberis a chlogwyni mawr Clogwyn Du'r Arddu a Lliwedd yn golygu bod lawer o ddringfeydd craig o ansawdd uchel yn denu dringwyr o bob rhan o'r byd. Mewn gaeafau caled ceir dringo rhew gyda'r anoddaf ym Mhrydain.

Oherwydd bod cymaint o ymwelwyr yn crwydro ar Yr Wyddfa mae Tîm Achub Llanberis gyda'r prysuraf yn y wlad.